Yarim himoyachi Kazemiro joriy mavsum yakunlanganidan so‘ng «Manchester Yunayted»ni tark etishini yana bir bor tasdiqladi.

«Menga hamon «Manchester Yunayted»da bo‘lish juda yoqadi. Menimcha, kelajagim borasidagi qaror allaqachon e’lon qilindi va bu yakuniy qaror ekaniga ishonaman. Hozir hayotdan zavqlanyapman. «Manchester Yunayted»dagi so‘nggi o‘yinlarim hissiyotlarga boy va oson bo‘lmasa kerak deb o‘ylayman», — deya Kazemironing so‘zlarini keltiradi jurnalist Adam Krafton.

Kazemiro 2022 yilda Madridning «Real» klubidan «Manchester Yunayted»ga 70 million yevro evaziga o‘tgan edi. Joriy mavsumda yarim himoyachi «qizil iblislar» safida 30 ta o‘yinda maydonga tushib, 7 ta gol urdi va 2 ta golli uzatmani amalga oshirdi.