Ярим ҳимоячи Каземиро жорий мавсум якунланганидан сўнг «Манчестер Юнайтед»ни тарк этишини яна бир бор тасдиқлади.

«Менга ҳамон «Манчестер Юнайтед»да бўлиш жуда ёқади. Менимча, келажагим борасидаги қарор аллақачон эълон қилинди ва бу якуний қарор эканига ишонаман. Ҳозир ҳаётдан завқланяпман. «Манчестер Юнайтед»даги сўнгги ўйинларим ҳиссиётларга бой ва осон бўлмаса керак деб ўйлайман», — дея Каземиронинг сўзларини келтиради журналист Адам Крафтон.

Каземиро 2022 йилда Мадриднинг «Реал» клубидан «Манчестер Юнайтед»га 70 миллион евро эвазига ўтган эди. Жорий мавсумда ярим ҳимоячи «қизил иблислар» сафида 30 та ўйинда майдонга тушиб, 7 та гол урди ва 2 та голли узатмани амалга оширди.