«Manchester Yunayted» sobiq yarim himoyachisi Rayan Giggz «Chelsi»ning sobiq himoyachisi Branislav Ivanovichni faoliyatidagi eng qiyin raqiblardan biri sifatida e’tirof etdi.

«2000-yillarda «Chelsi»da Ivanovich paydo bo‘ldi. U juda agressiv edi va ba’zida markaziy himoyachi pozisiyasida o‘ynashiga qaramay, oldinga o‘tishni xush ko‘rardi. U jismoniy jihatdan juda kuchli edi va tavakkal qilishni yaxshi ko‘rardi. To‘pni qabul qilib olishim bilan u darhol yonimda paydo bo‘lardi, agar to‘pni olib qo‘ya olmasa, meni maydonga yiqitardi. Shu sababli «Chelsi»ga qarshi o‘ynash doim juda qiyin bo‘lgan», — deya Giggzning so‘zlarini keltiradi Chelsea Chronicle.

Branislav Ivanovich 2008 yildan 2017 yilgacha «Chelsi» sharafini himoya qilgan. U londonliklar safida jami 377 ta o‘yinda maydonga tushib, 34 ta gol urgan va 34 ta golli uzatmani amalga oshirgan.