Ravshan Haydarov murabbiyligidagi O‘zbekiston U-23 jamoasi Antaliyadagi yig‘in doirasida Rossiyaga qarshi o‘rtoqlik o‘yinida maydonga tushdi.
Uchrashuvda rossiyaliklar 1-daqiqada hisobni ochgan bo‘lsa, 44-daqiqada «Dinamo» hujumchisi Firdavs Abdurahmonovning ajoyib goli bilan O‘zbekiston U23 jamoasi hisobni tenglashtirdi – 1:1.
Ikkinchi bo‘limda esa ruslar 60-daqiqada ikkinchi golni urib, yakunda g‘alabaga erishdi – 2:1.
Vakillarimizning keyingi uchrashuvi 30 mart kuni Albaniyaga qarshi bo‘lib o‘tadi.
O‘rtoqlik o‘yini. 27 mart
Rossiya U23 – O‘zbekiston U23 – 2:1
Gollar: Andrey Ivlev 1ʼ, Gleb Popilotov 60ʼ - Firdavs Abdurahmonov 44ʼ.
O‘zbekiston U23: Samandar Muratbayev, Dilshod Murtazoyev (Narimon Ahmadonov 63ʼ), G‘iyosjon Rizaqulov, Ravshan Xayrullayev (Muhammedali Reimov 72ʼ), Sardor Bahromov (Rustam Fomin 63ʼ), Saidumarxon Saidnurullayev (Nurlan Ibraimov 63ʼ), Muhammadali O‘rinboyev (Ollobergan Karimov 72ʼ), Firdavs Abdurahmonov (Javohir Ubaydullayev 72ʼ), Dilshod Abdullayev, Amirbek Saidov (Asilbek Jumayev 46ʼ), Muhammadbobur Karimov (Ro‘ziboy Fayzullayev 82ʼ).
