«Inter Mayami» «Liverpul» hujumchisi Muhammad Salohni o‘z safiga qo‘shib olish bo‘yicha muzokaralar olib bormayapti. Bu haqda jurnalist Fabrisio Romano o‘zining X (Twitter) sahifasida ma’lum qildi.

Manbaga ko‘ra, ayni vaqtda tomonlar o‘rtasida hech qanday muzokaralar bo‘lmagan.

Saloh 24 mart, seshanba kuni mavsum yakunida «Liverpul»ni tark etishini e’lon qilgan edi. Misrlik hujumchi 2017 yildan buyon mersisaydliklar safida o‘ynab kelmoqda. Shu vaqt davomida u barcha musobaqalarda 435 ta o‘yinda ishtirok etib, 255 ta gol urdi va 122 ta golli uzatma amalga oshirdi.

Futbolchining klub bilan amaldagi shartnomasi 2027 yil yoziga qadar mo‘ljallangan.