Madridning «Real» klubi yarim himoyachisi Federiko Valverde Urugvay terma jamoasi safida Angliyaga qarshi kechgan o‘rtoqlik uchrashuvida gol urdi.

27 yoshli futbolchi 94-daqiqada penaltini aniq amalga oshirib, yakuniy hisobni o‘rnatdi — 1:1.

«Men hujumchilarimiz o‘zlariga bo‘lgan ishonchni oshirishlari uchun penalti tepish huquqini doim ularga berishga tayyorman, lekin bu safar jamoa zarbani aynan men yo‘llashimni istadi», — deya Valverdening intervyusidan iqtibos keltirmoqda Madrid Xtra.

Yarim himoyachining hisobida klub va terma jamoa safidagi so‘nggi oltita o‘yinda yettita gol mavjud bo‘lib, ular orasida Chempionlar ligasida «Manchester Siti» darvozasiga yo‘llangan xet-trik ham bor.

Seshanba kuni, 31 martda urugvayliklar Jazoir terma jamoasiga qarshi maydonga tushadilar.