Germaniya terma jamoasi yarim himoyachisi Florian Virs Shveysariyaga qarshi kechgan (4:3) shiddatli o‘rtoqlik uchrashuvidagi ulkan performansidan so‘ng intervyu berdi.
«Liverpul» vakili Bundestimning barcha to‘rtta golida bevosita ishtirok etdi: 26 va 45-daqiqalarda u jamoadoshlariga golli uzatma yetkazib bergan bo‘lsa, 61 va 85-daqiqalarda ijrosiga ko‘ra ajoyib bo‘lgan ikkita gol muallifiga aylandi.
«Terma jamoadagi eng yaxshi o‘yinimmi? Ehtimol, ha. Samadorlik nuqtai nazaridan — shunday. Agar birinchi golim sodir bo‘lgan vaziyatda to‘pni aynan o‘sha yerga yo‘llamoqchi edim, desam, yolg‘on gapirgan bo‘laman. Ikkinchi golda esa hammasi boshqacha bo‘ldi: men zarbani aynan o‘zim istagan nuqtaga yo‘lladim», — deya Virsning so‘zlarini keltirmoqda Bayern & Germany.
30 mart kuni Yulian Nagelsmann shogirdlari Gana terma jamoasiga qarshi maydonga tushadilar.
