Belgiya terma jamoasi yarim himoyachisi Kevin de Bryuyne jamoa darvozaboni Senne Lammensning o‘yini haqida fikr bildirdi.
Avvalroq belgiyaliklar o‘rtoqlik uchrashuvida AQSH terma jamoasini 5:2 hisobida mag‘lub etgan edi.
«Tarkibimizda Tibo Kurtua yo‘q edi, ammo Lammens tufayli uning yo‘qligi sezilmadi. U eng kutilmagan seyvlarni amalga oshirmoqda. U «Manchester Yunayted»ga o‘tganidan beri jamoa himoyasi sezilarli darajada o‘zgardi», — dedi de Bryuyne.
23 yoshli Lammens Belgiya terma jamoasi safida ikkita o‘yin o‘tkazib, ikkita gol o‘tkazib yubordi va bir bor «quruq» o‘yin qayd etdi.
Belgiyaliklar navbatdagi nazorat bahsini 1 aprel kuni Meksikaga qarshi o‘tkazishadi.
