«Yuventus» yarim himoyachisi Kefren Tyuram shu yozda jamoani tark etishi mumkin.
La Gazzetta dello Sport nashrining ma’lumotlariga ko‘ra, agar Turin klubi joriy mavsum yakunlari bo‘yicha Chempionlar Ligasi yo‘llanmasini qo‘lga kirita olmasa, fransiyalik futbolchi sotib yuborilishi mumkin. «Yuventus» o‘z moliyaviy holatini muvozanatga keltirish uchun xavbekni qurbon qilishga tayyor.
Kefren Tyuram 2024 yilda 20 million yevro evaziga «Nissa»dan «Yuventus»ga o‘tgan edi. Uning shartnomasi 2029 yil 30 iyungacha mo‘ljallangan. Joriy mavsumda yarim himoyachi Turin klubi safida barcha turnirlarda 38 ta o‘yinda maydonga tushdi va 3 ta gol urib, 4 ta golli uzatmani amalga oshirdi. «Transfermarkt» portali Tyuramning qiymatini 40 million yevroga baholamoqda.
