«Ювентус» ярим ҳимоячиси Кефрен Тюрам шу ёзда жамоани тарк этиши мумкин.
La Gazzetta dello Sport нашрининг маълумотларига кўра, агар Турин клуби жорий мавсум якунлари бўйича Чемпионлар Лигаси йўлланмасини қўлга кирита олмаса, франциялик футболчи сотиб юборилиши мумкин. «Ювентус» ўз молиявий ҳолатини мувозанатга келтириш учун хавбекни қурбон қилишга тайёр.
Кефрен Тюрам 2024 йилда 20 миллион евро эвазига «Ницца»дан «Ювентус»га ўтган эди. Унинг шартномаси 2029 йил 30 июнгача мўлжалланган. Жорий мавсумда ярим ҳимоячи Турин клуби сафида барча турнирларда 38 та ўйинда майдонга тушди ва 3 та гол уриб, 4 та голли узатмани амалга оширди. «Transfermarkt» портали Тюрамнинг қийматини 40 миллион еврога баҳоламоқда.
