Dortmundning «Borussiya» klubi markaziy himoyachisi Niko Shlotterbek Madridning «Real» klubiga o‘tmaydi.

Yaqin orada 26 yoshli futbolchi «arilar» bilan yangi uzoq muddatli shartnoma imzolashi kutilmoqda. Sky Sport xabariga ko‘ra, «qirollik klubi» vaziyatdan xabardor va allaqachon o‘yinchi uchun kurashdan chiqqan. «Qaymoqranglilar» endi bor e’tiborini boshqa nomzodlarga qaratishlariga to‘g‘ri keladi.

Niko Shlotterbekka bo‘lgan qiziqish, shuningdek, «Bavariya», «Liverpul» va boshqa Yevropa grandlariga ham nisbat berilgan edi. Transfermarkt portali bahosiga ko‘ra, germaniyalik markaziy himoyachining bozor qiymati 55 million yevroni tashkil etadi, uning amaldagi kelishuvi esa 2027 yilgacha mo‘ljallangan.