Дортмунднинг «Боруссия» клуби марказий ҳимоячиси Нико Шлоттербек Мадриднинг «Реал» клубига ўтмайди.

Яқин орада 26 ёшли футболчи «арилар» билан янги узоқ муддатли шартнома имзолаши кутилмоқда. Sky Sport хабарига кўра, «қироллик клуби» вазиятдан хабардор ва аллақачон ўйинчи учун курашдан чиққан. «Қаймоқранглилар» энди бор эътиборини бошқа номзодларга қаратишларига тўғри келади.

Нико Шлоттербекка бўлган қизиқиш, шунингдек, «Бавария», «Ливерпуль» ва бошқа Европа грандларига ҳам нисбат берилган эди. Transfermarkt портали баҳосига кўра, германиялик марказий ҳимоячининг бозор қиймати 55 миллион еврони ташкил этади, унинг амалдаги келишуви эса 2027 йилгача мўлжалланган.