Angliya terma jamoasi sobiq himoyachisi Eshli Koul «Chelsi» a’zosi Ris Jeyms va «PSJ» vakili Nunu Mendesh o‘rtasida tanlov qildi.

«Agar o‘z jamoamda qaysi himoyachini ko‘rishni xohlashim haqida o‘ylasam, men Ris Jeymsni tanlagan bo‘lardim», — dedi Eshli Koul The Overlapga bergan intervyusida.

Ris Jeyms «Chelsi» tarbiyalanuvchisi hisoblanadi. Uning «ko‘klar» bilan shartnomasi 2032 yil 30 iyungacha mo‘ljallangan. Joriy mavsumda himoyachi London klubi safida barcha turnirlarda 36 ta o‘yinda maydonga tushib, ikkita gol urdi va yettita golli uzatmani amalga oshirdi.

Nunu Mendesh 2022 yilda 38 million yevro evaziga «Sporting»dan «PSJ»ga o‘tgan edi. Uning shartnomasi 2029 yil 30 iyungacha amal qiladi. Joriy mavsumda himoyachi parijliklar safida 34 ta o‘yinda maydonga tushib, oltita gol urdi va oltita assist qayd etdi.