Англия терма жамоаси собиқ ҳимоячиси Эшли Коул «Челси» аъзоси Рис Жеймс ва «ПСЖ» вакили Нуну Мендеш ўртасида танлов қилди.

«Агар ўз жамоамда қайси ҳимоячини кўришни хоҳлашим ҳақида ўйласам, мен Рис Жеймсни танлаган бўлардим», — деди Эшли Коул The Overlapга берган интервьюсида.

Рис Жеймс «Челси» тарбияланувчиси ҳисобланади. Унинг «кўклар» билан шартномаси 2032 йил 30 июнгача мўлжалланган. Жорий мавсумда ҳимоячи Лондон клуби сафида барча турнирларда 36 та ўйинда майдонга тушиб, иккита гол урди ва еттита голли узатмани амалга оширди.

Нуну Мендеш 2022 йилда 38 миллион евро эвазига «Спортинг»дан «ПСЖ»га ўтган эди. Унинг шартномаси 2029 йил 30 июнгача амал қилади. Жорий мавсумда ҳимоячи парижликлар сафида 34 та ўйинда майдонга тушиб, олтита гол урди ва олтита ассист қайд этди.