«Yuventus» hujumchisi Dushan Vlaxovich «Milan»ga o‘tishi mumkin.

SportMediaset nashrining ma’lumotlariga ko‘ra, futbolchi «Yuventus» bilan shartnomasini uzaytirishga yaqin bo‘lishiga qaramay, «rossonerilar» serbiyalik forvardni qo‘lga kiritish fikridan voz kechmagan. «Milan» Turin klubining maosh borasidagi taklifi bilan tenglashgan holda (yiliga taxminan 7 million yevro), so‘nggi bor urinib ko‘rishga tayyor. Biroq, «Milan» Vlaxovichga ikki yillik emas, balki uch yillik shartnoma taklif qilmoqchi.

Dushan Vlaxovich 2022 yilda 85 million yevro evaziga «Fiorentina»dan «Yuventus»ga o‘tgan edi. Uning amaldagi shartnomasi 2026 yil 30 iyungacha mo‘ljallangan. Joriy mavsumda hujumchi 18 ta o‘yinda maydonga tushib, 6 ta gol urdi va 2 ta golli uzatmani amalga oshirdi.