«Ювентус» ҳужумчиси Душан Влахович «Милан»га ўтиши мумкин.

SportMediaset нашрининг маълумотларига кўра, футболчи «Ювентус» билан шартномасини узайтиришга яқин бўлишига қарамай, «россонерилар» сербиялик форвардни қўлга киритиш фикридан воз кечмаган. «Милан» Турин клубининг маош борасидаги таклифи билан тенглашган ҳолда (йилига тахминан 7 миллион евро), сўнгги бор уриниб кўришга тайёр. Бироқ, «Милан» Влаховичга икки йиллик эмас, балки уч йиллик шартнома таклиф қилмоқчи.

Душан Влахович 2022 йилда 85 миллион евро эвазига «Фиорентина»дан «Ювентус»га ўтган эди. Унинг амалдаги шартномаси 2026 йил 30 июнгача мўлжалланган. Жорий мавсумда ҳужумчи 18 та ўйинда майдонга тушиб, 6 та гол урди ва 2 та голли узатмани амалга оширди.