2022 yilda belgiyalik hujumchi Sharl de Ketelare katta shov-shuvlar bilan Italiyaning «Milan» klubiga o‘tgan edi, biroq Stefano Pioli qo‘l ostida u yerda muvaffaqiyatga erisha olmadi. Oradan bir yil o‘tib, De Ketelare sekingina «Atalanta»ga o‘tkazib yuborildi va aynan o‘sha yerda o‘z mahoratini to‘liq namoyon eta boshladi.
«Yo‘q, o‘sha transferdan aslo pushaymon emasman. Balki o‘shanda o‘zimga bo‘lgan ishonchni ko‘proq ko‘rsatishim kerak bo‘lgandir, ammo sodir bo‘lgan voqealar men uchun juda foydali dars bo‘ldi. Gasperini tufayli men «Atalanta»da o‘sdim, u yo‘lga qo‘ygan futbol uslubi menga juda mos tushdi», — deya belgiyalik futbolchining so‘zlarini pianetamilan.it nashri keltiradi.
Eslatib o‘tamiz, hozirda «Atalanta» A Seriya turnir jadvalida yettinchi o‘rinni egallab turibdi.
