Mashhur WhoScored statistik portali 2017/18 yilgi mavsum boshidan buyon Yevropaning kuchli beshta chempionatida eng ko‘p aniq golli vaziyatlarni boy bergan futbolchilar reytingini taqdim etdi.

Birinchi o‘rinni ushbu davr mobaynida «Bavariya» va «Barselona» klublarida to‘p surishga ulgurgan Robert Levandovski egallab turibdi — 218 ta boy berilgan vaziyat. Ikkinchi pog‘onada Kilian Mbappe (184 ta, «PSJ» va Madridning «Real» klubi), uchinchi o‘rinda esa Muhammad Saloh (161 ta, «Liverpul») qayd etilgan. Shuningdek, kuchli beshlikdan Erling Xoland (137 ta, Dortmundning «Borussiya»si va «Manchester Siti») hamda Lautaro Martines (119 ta, Milanning «Inter» klubi) joy olishgan.

Ko‘rib turganingizdek, yuqori o‘rinlarni nafaqat imkoniyatlarni qo‘ldan boy beradigan, balki ulardan muntazam ravishda gol uradigan top-futbolchilar egallab turishibdi.