Italiyaning «Napoli» klubi hujumchisi Matteo Politano Italiya terma jamoasi Jahon chempionatiga yo‘l olishiga ishonchi komil, biroq Bosniya milliy jamoasi «chaqilmas yong‘oq» bo‘lib chiqishi mumkinligini tan oldi. Bunga asosiy sabab sifatida u ko‘plab bosniyalik futbolchilar, xususan, faxriy hujumchi Edin Jeko Italiya A Seriyasi bilan juda yaxshi tanish ekanligini ko‘rsatdi.

«Bu bizni xavotirga solyapti, ayniqsa Jeko. Ammo biz bor e’tiborimizni raqib haqida o‘ylashga emas, balki o‘z o‘yinimizga qaratishimiz kerak», — deya Matteo Politanoning so‘zlarini calcionapoli1926.it nashri keltirmoqda.

Eslatib o‘tamiz, Jahon chempionati yo‘llanmasi taqdiri seshanba oqshomida Bosniya hududidagi Zenisa shahrida bo‘lib o‘tadigan bahsda hal bo‘ladi.