«Liverpul» va Niderlandiya terma jamoasi sobiq hujumchisi Dirk Kuyt mersisaydliklarning joriy mavsumdagi natijalari haqida o‘z fikrini bildirdi.

«Slotning ishiga to‘xtaladigan bo‘lsak, u bunday qisqa vaqt ichida erishgan yutuqlari bilan faxrlansa bo‘ladi. Agar Premyer-ligada ishlar unchalik ko‘ngildagidek kechmayotgan bo‘lsa, «Liverpul» yevrokuboklarda muvaffaqiyat qozonishga qodir. Har qanday voqea sodir bo‘lishi mumkin», — deya sobiq futbolchining so‘zlarini Sky Sports nashri keltirmoqda.

Premyer-liganing 31 turidan so‘ng «qizillar» turnir jadvalida oltinchi o‘rinni egallab turishibdi. UEFA Chempionlar Ligasida esa «Liverpul» chorak finalga yo‘l oldi va u yerda Fransiyaning «PSJ» jamoasi bilan to‘qnash keladi.