«Chelsi» himoyachisi Mark Kukurelya faoliyatining qaysidir bosqichida «Barselona»ga qaytishni istashiga sha’ma qildi.
«Barselona»ga qaytish? Ispaniya — bu doimo Ispaniya bo‘lib qoladi. Odam doim ortga qaytish haqida o‘ylaydi, lekin men buni bir necha yil keyinga qoldirgan bo‘lardim. Hozir Angliyada baxtliman. Agar shunday imkoniyat tug‘ilsa, rad etish juda qiyin bo‘ladi. Men hammasini yaxshilab o‘ylab ko‘rishim kerak bo‘lardi. Agar bu sodir bo‘lsa — demak, shunday bo‘lishi kerak ekan», — dedi Kukurelya jurnalistlarga.
Mark Kukurelya «Barselona» klubi tarbiyalanuvchisi hisoblanadi. Shu bilan birga, himoyachi «ko‘k-anorranglilar»ning asosiy jamoasi safida bor-yo‘g‘i bitta o‘yinda maydonga tushgan.
27 yoshli Kukurelyaning «Chelsi» bilan amaldagi shartnomasi 2028 yilning o‘rtalariga qadar mo‘ljallangan.
