«Челси» ҳимоячиси Марк Кукурелья фаолиятининг қайсидир босқичида «Барселона»га қайтишни исташига шаъма қилди.
«Барселона»га қайтиш? Испания — бу доимо Испания бўлиб қолади. Одам доим ортга қайтиш ҳақида ўйлайди, лекин мен буни бир неча йил кейинга қолдирган бўлардим. Ҳозир Англияда бахтлиман. Агар шундай имконият туғилса, рад этиш жуда қийин бўлади. Мен ҳаммасини яхшилаб ўйлаб кўришим керак бўларди. Агар бу содир бўлса — демак, шундай бўлиши керак экан», — деди Кукурелья журналистларга.
Марк Кукурелья «Барселона» клуби тарбияланувчиси ҳисобланади. Шу билан бирга, ҳимоячи «кўк-анорранглилар»нинг асосий жамоаси сафида бор-йўғи битта ўйинда майдонга тушган.
27 ёшли Кукурельянинг «Челси» билан амалдаги шартномаси 2028 йилнинг ўрталарига қадар мўлжалланган.
