Angliya terma jamoasi bosh murabbiyi Tomas Tuxel Bukayo Saka va Deklan Raysning jarohatlari haqida to‘xtalib o‘tdi. Avvalroq, ushbu futbolchilar sog‘lig‘idagi muammolar sababli «uch sherlar» qarorgohini tark etgani xabar qilingan edi.

«Saka va Rays? Ular maydonga tushishni, jamoaga yordam berishni juda ham xohlashgandi, biroq tavakkal qilishdan hech qanday ma’no yo‘q edi. Ularning o‘zlarini noqulay his qilayotgani ko‘rinib turgandi. Vaziyatni yanada og‘irlashtirib yuborish xavfi mavjud edi», — dedi Tuxel jurnalistlarga bergan intervyusida.

Seshanba kuni, 31 mart kuni Angliya terma jamoasi o‘z maydonida Yaponiyaga qarshi o‘rtoqlik uchrashuvini o‘tkazadi. Bundan avval «uch sherlar» Urugvay bilan durang (1:1) o‘ynagan edi.