Himoyachi Gleyson Bremer shu yozda "Yuventus"ni tark etishi mumkin. Tuttosport nashrining xabariga ko‘ra, agar jamoa joriy mavsum yakunlariga ko‘ra Chempionlar ligasiga yo‘llanma ololmasa, braziliyalik futbolchi "Yuventus" uchun "dahlsiz" o‘yinchi hisoblanmaydi.
Agar himoyachining transferi uchun 60 million yevrodan ko‘proq mablag‘ taklif qilinsa, Turin klubi uni sotishga tayyor. Bremer va "Yuventus" o‘rtasida 2029 yilda tugaydigan shartnomani uzaytirmaslik bo‘yicha o‘zaro kelishuvga erishib bo‘lingan.
Eslatib o‘tamiz, Bremer 2022 yilda "Torino"dan "Yuventus"ga 51 million yevro evaziga o‘tgan edi. Joriy mavsumda braziliyalik himoyachi turinliklar safida 24 ta o‘yinda maydonga tushib, 3 ta gol va 3 ta golli uzatmani amalga oshirdi.
