Ҳимоячи Глейсон Бремер шу ёзда "Ювентус"ни тарк этиши мумкин. Tuttosport нашрининг хабарига кўра, агар жамоа жорий мавсум якунларига кўра Чемпионлар лигасига йўлланма ололмаса, бразилиялик футболчи "Ювентус" учун "даҳлсиз" ўйинчи ҳисобланмайди.
Агар ҳимоячининг трансфери учун 60 миллион евродан кўпроқ маблағ таклиф қилинса, Турин клуби уни сотишга тайёр. Бремер ва "Ювентус" ўртасида 2029 йилда тугайдиган шартномани узайтирмаслик бўйича ўзаро келишувга эришиб бўлинган.
Эслатиб ўтамиз, Бремер 2022 йилда "Торино"дан "Ювентус"га 51 миллион евро эвазига ўтган эди. Жорий мавсумда бразилиялик ҳимоячи туринликлар сафида 24 та ўйинда майдонга тушиб, 3 та гол ва 3 та голли узатмани амалга оширди.
