Manbalarning xabar berishicha, Krishtianu Ronaldu yarim himoyachi Kazemironi "An-Nasr"ga o‘tishga ko‘ndirishga harakat qilmoqda.

Braziliyalik futbolchi shu yozda shartnomasi yakunlangach, "Manchester Yunayted"ni tark etishini e’lon qilgan edi. Endilikda u erkin agent sifatida istalgan klubga o‘tishi mumkin.

So‘nggi xabarlarga ko‘ra, Kazemiro uchun ehtimoliy variantlardan biri sifatida "Inter Mayami" tilga olingan edi. Amerika klubida u Lionel Messi bilan bir jamoada to‘p surishi mumkin edi. Biroq, Ronaldu sobiq jamoadoshini Saudiya Arabistoniga o‘tishga ko‘ndirmoqchi.