«Barselona» va «Manchester Yunayted» klublari Markus Reshfordning bo‘lajak transferi shartlari bo‘yicha kelishuvga erisha olmadilar.

«Ko‘k-anorranglilar» vingerning o‘zi bilan shaxsiy shartnoma tafsilotlarini kelishib olishgan edi, biroq «qizil iblislar»ni ko‘ndirishning iloji bo‘lmadi. MatchDay Central nashri bergan ma’lumotlarga ko‘ra, hozirda muzokaralar to‘xtatilgan. «Barselona» 28 yoshli futbolchining kelajagi borasida bir qarorga kelishni keyinga qoldirishga qaror qildi, chunki moliyaviy cheklovlar hozircha «MYU»ning ingliz futbolchisi uchun qo‘ygan talabini bajarishga imkon bermayapti.

Markus Reshfordning o‘zi esa kataloniyaliklar safida qolish istagini bir necha bor ta’kidlagan. Mankunianliklar rahbariyati talab qilayotgan taxminiy transfer narxi 30 million yevroni tashkil etmoqda.