«Барселона» ва «Манчестер Юнайтед» клублари Маркус Рэшфорднинг бўлажак трансфери шартлари бўйича келишувга эриша олмадилар.
«Кўк-анорранглилар» вингернинг ўзи билан шахсий шартнома тафсилотларини келишиб олишган эди, бироқ «қизил иблислар»ни кўндиришнинг иложи бўлмади. MatchDay Central нашри берган маълумотларга кўра, ҳозирда музокаралар тўхтатилган. «Барселона» 28 ёшли футболчининг келажаги борасида бир қарорга келишни кейинга қолдиришга қарор қилди, чунки молиявий чекловлар ҳозирча «МЮ»нинг инглиз футболчиси учун қўйган талабини бажаришга имкон бермаяпти.
Маркус Решфорднинг ўзи эса каталонияликлар сафида қолиш истагини бир неча бор таъкидлаган. Манкунианликлар раҳбарияти талаб қилаётган тахминий трансфер нархи 30 миллион еврони ташкил этмоқда.
