Argentina terma jamoasi hujumchisi Lionel Messi yaqinda bo‘lib o‘tgan o‘rtoqlik uchrashuvida Zambiya darvozasini ishg‘ol qildi.

«Albiseleste» 5:0 hisobida g‘alaba qozongan bo‘lsa, «Inter Mayami»ning 38 yoshli futbolchisi ikkinchi gol muallifiga aylandi. FIFA World Cup Stats xabariga ko‘ra, Messi o‘z faoliyati davomida jami 40 ta turli terma jamoalar darvozasiga gol urishga muvaffaq bo‘lgan. Ushbu ko‘rsatkich bo‘yicha rekord Krishtianu Ronalduga tegishli — u Portugaliya safida 48 ta har xil raqib darvozasini ishg‘ol qilgan.

Lionel Messining Argentina terma jamoasidagi debyuti olis 2005 yilda bo‘lib o‘tgan edi. Hujumchi milliy jamoa safida jami 198 ta o‘yinda ishtirok etib, o‘z hisobiga 116 ta aniq zarbani yozdirib qo‘ygan.

Ronaldu jarohati sababli portugaliyaliklarning mart oyidagi yig‘inini o‘tkazib yubordi.