«Barselona» rahbari Joan Laporta klubning moliyaviy qiyinchiliklari haqida to‘xtalib o‘tdi.

Intervyu davomida «ko‘k-anorranglilar» prezidentidan qachon yana futbolchilar bilan «normal» tartibda shartnoma imzolash imkoniyati paydo bo‘lishi haqida so‘rashdi.

«Bu muammoga La Liganing barcha klublari duch kelmoqda — iqtisodiy nazorat juda qattiq. Biz qo‘mita bilan gaplashib, o‘z takliflarimizni tushuntirishimiz kerak. Hozirda biz 1,1 mlrd yevro daromad olamiz, bu kutilganidan ko‘proqdir. Bu bizga yangi kelishuvlarni amalga oshirishda moliyaviy feyr-pley qoidalari doirasida qolishga yordam beradi. Umid qilamanki, shu yozda biz hech qanday cheklovlarsiz ishlay olamiz», — deya Laportaning javobini keltiradi Barca Universal nashri.

Hozirgi vaqtda Kataloniya grandining asosiy transfer maqsadi Milanning «Inter» klubi himoyachisi Alessandro Bastoni bo‘lib turibdi.