«Барселона» раҳбари Жоан Лапорта клубнинг молиявий қийинчиликлари ҳақида тўхталиб ўтди.
Интервью давомида «кўк-анорранглилар» президентидан қачон яна футболчилар билан «нормал» тартибда шартнома имзолаш имконияти пайдо бўлиши ҳақида сўрашди.
«Бу муаммога Ла Лиганинг барча клублари дуч келмоқда — иқтисодий назорат жуда қаттиқ. Биз қўмита билан гаплашиб, ўз таклифларимизни тушунтиришимиз керак. Ҳозирда биз 1,1 млрд евро даромад оламиз, бу кутилганидан кўпроқдир. Бу бизга янги келишувларни амалга оширишда молиявий фэйр-плей қоидалари доирасида қолишга ёрдам беради. Умид қиламанки, шу ёзда биз ҳеч қандай чекловларсиз ишлай оламиз», — дея Лапортанинг жавобини келтиради Barca Universal нашри.
Ҳозирги вақтда Каталония грандининг асосий трансфер мақсади Миланнинг «Интер» клуби ҳимоячиси Алессандро Бастони бўлиб турибди.
