Kataloniyaning «Barselona» klubi prezidenti Joan Laporta mahalliy akademiyaning klub uchun naqadar muhimligi haqida o‘z fikrlari bilan o‘rtoqlashdi.
«Ko‘k-anorranglilar»ning asosiy tarkibida «La Masiya» bitiruvchilari muntazam ravishda ko‘rinish bermoqda. Klub bundan keyin ham shu yo‘ldan borishni rejalashtirgan.
«Yamal, Bernal va Kubarsi asosiy tarkibga kirishdan oldin «La Masiya»da jamoaning o‘zagini tashkil qilishgan. Xavi Espart ham aynan shu avlod vakili hisoblanadi. Ulardan avval Gavi, Fermin, Balde va Erik Garsiya bor edi. «La Masiya» — bizning loyihamiz asosi. Biz akademiyaga tayanamiz, transfer bozoriga esa faqat alohida holatlardagina chiqamiz», — deya Laportaning so‘zlarini keltiradi Barca Universal nashri.
Shanba kuni, 4 aprelda, Xans-Diter Flik shogirdlari La Liga doirasida Madridda «Atletiko»ga qarshi bahs olib boradilar.
