«Pari Sen-Jermen» yarim himoyachisi Fabian Ruis tizzasidagi jarohatidan so‘ng tiklanish jarayonini davom ettirmoqda.
29 yoshli futbolchi to‘p bilan ishlashni boshladi, biroq hamon individual tarzda shug‘ullanmoqda — u hozircha jamoaviy mashg‘ulotlarga qo‘yilmagan, deya xabar beradi Le Parisien. Ispaniyalik futbolchi parijliklarning juma kuni Liga 1 doirasida «Tuluza»ga qarshi bo‘lib o‘tadigan bahs qaydnomasiga kiritilishi dargumon, shuningdek, uning Chempionlar ligasi 1/4 finalidan o‘rin olgan «Liverpul» bilan dastlabki uchrashuvdagi ishtiroki ham so‘roq ostida turibdi.
«PSJ» kelgusi chorshanba, 8 aprel kuni o‘z maydonida «Liverpul»ni qabul qiladi, 14 aprel kuni esa «Enfild»da javob uchrashuvi bo‘lib o‘tadi.
Fabian Ruis yanvar oyidan beri maydonga tushgani yo‘q.
