«Real» himoyachisi Din Xyoysen o‘zining sobiq jamoasi — «Yuventus»ga qaytishi mumkin. La Stampa nashrining xabariga ko‘ra, Turin klubi shu yozda ispaniyalik futbolchini ijaraga olish imkoniyatini ko‘rib chiqmoqda.
Joriy mavsumda futbolchida o‘yin amaliyoti va sport formasi bilan bog‘liq muammolar yuzaga kelgan. Eslatib o‘tamiz, Din Xyoysen 2025 yilda «Bornmut»dan «Real Madrid»ga 62 million yevro evaziga o‘tgan edi. Uning Madrid klubi bilan shartnomasi 2030 yil 30 iyunga qadar mo‘ljallangan.
Bu mavsumda himoyachi «qaymoqranglilar» safida barcha musobaqalarda 32 ta o‘yinda ishtirok etib, 2 ta gol urdi va 2 ta golli uzatmani amalga oshirdi. Transfermarkt portali Xyoysenning bozor qiymatini 65 million yevroga baholamoqda.
