«Реал» ҳимоячиси Дин Хёйсен ўзининг собиқ жамоаси — «Ювентус»га қайтиши мумкин. La Stampa нашрининг хабарига кўра, Турин клуби шу ёзда испаниялик футболчини ижарага олиш имкониятини кўриб чиқмоқда.
Жорий мавсумда футболчида ўйин амалиёти ва спорт формаси билан боғлиқ муаммолар юзага келган. Эслатиб ўтамиз, Дин Хёйсен 2025 йилда «Борнмут»дан «Реал Мадрид»га 62 миллион евро эвазига ўтган эди. Унинг Мадрид клуби билан шартномаси 2030 йил 30 июнга қадар мўлжалланган.
Бу мавсумда ҳимоячи «қаймоқранглилар» сафида барча мусобақаларда 32 та ўйинда иштирок этиб, 2 та гол урди ва 2 та голли узатмани амалга оширди. Transfermarkt портали Хёйсеннинг бозор қийматини 65 миллион еврога баҳоламоқда.
