«Liverpul» bosh murabbiyi Arne Slot Chempionlar ligasi 1/4 finali doirasida «PSJ»ga qarshi bo‘lib o‘tadigan bo‘lajak uchrashuv haqidagi kutilmalari bilan o‘rtoqlashdi.

«Hammamizga ma’lumki, o‘tgan mavsumda biz «Pari Sen-Jermen» bilan 1/8 finalda to‘qnash kelgan edik, hozir esa chorak finaldamiz va o‘sha o‘yinlarning ikkalasi ham tomoshabop bo‘lgandi. Men ushbu uchrashuvlarning ikkalasini ham qayta ko‘rib chiqdim — Parijda g‘alaba qozonib, «Enfild»da mag‘lub bo‘lgan bo‘lsak-da, menga «Enfild»dagi o‘yin Parijdagiga qaraganda ko‘proq manzur bo‘ldi», — deya Slotning so‘zlarini keltiradi Anfield Sector nashri.

Eslatib o‘tamiz, o‘tgan mavsumda «Liverpul» o‘z maydonida «PSJ»ga 0:1 hisobida imkoniyatni boy bergan va safarda 1:0 hisobida g‘alaba qozongan edi. Penaltilar seriyasida esa omad fransuz klubiga kulib boqqan — 4:1.