«Ливерпуль» бош мураббийи Арне Слот Чемпионлар лигаси 1/4 финали доирасида «ПСЖ»га қарши бўлиб ўтадиган бўлажак учрашув ҳақидаги кутилмалари билан ўртоқлашди.
«Ҳаммамизга маълумки, ўтган мавсумда биз «Пари Сен-Жермен» билан 1/8 финалда тўқнаш келган эдик, ҳозир эса чорак финалдамиз ва ўша ўйинларнинг иккаласи ҳам томошабоп бўлганди. Мен ушбу учрашувларнинг иккаласини ҳам қайта кўриб чиқдим — Парижда ғалаба қозониб, «Энфилд»да мағлуб бўлган бўлсак-да, менга «Энфилд»даги ўйин Париждагига қараганда кўпроқ манзур бўлди», — дея Слотнинг сўзларини келтиради Anfield Sector нашри.
Эслатиб ўтамиз, ўтган мавсумда «Ливерпуль» ўз майдонида «ПСЖ»га 0:1 ҳисобида имкониятни бой берган ва сафарда 1:0 ҳисобида ғалаба қозонган эди. Пенальтилар сериясида эса омад француз клубига кулиб боққан — 4:1.
