Madridning «Real» klubi yozgi transfer oynasida maydon markazini kuchaytirishni rejalashtirmoqda. AS nashri sahifalarida ushbu mavzuga bag‘ishlangan maqola chop etildi. Unda aytilishicha, madridliklar o‘z ro‘yxatiga yetti nafar yarim himoyachini kiritishgan.
«Real»ning short-listidan quyidagi futbolchilar joy olgan: Vitinya («PSJ»), Rodri («Manchester Siti»), Enso Fernandes («Chelsi»), Kes Smit («AZ Alkmaar»), Adam Uorton («Kristal Pelas»), Sandro Tonali («Nyukasl») va Aleksis Mak Allister («Liverpul»).
Qayd etilishicha, transfer jarayonida «Real»ning haddan tashqari ko‘p mablag‘ sarflashni istamasligi muhim omil bo‘lishi mumkin.
Hozirda «Real» Ispaniya chempionati turnir jadvalida ikkinchi o‘rinni egallab turibdi.
