Мадриднинг «Реал» клуби ёзги трансфер ойнасида майдон марказини кучайтиришни режалаштирмоқда. AS нашри саҳифаларида ушбу мавзуга бағишланган мақола чоп этилди. Унда айтилишича, мадридликлар ўз рўйхатига етти нафар ярим ҳимоячини киритишган.
«Реал»нинг шорт-листидан қуйидаги футболчилар жой олган: Витинья («ПСЖ»), Родри («Манчестер Сити»), Энцо Фернандес («Челси»), Кес Смит («АЗ Алкмаар»), Адам Уортон («Кристал Пэлас»), Сандро Тонали («Ньюкасл») ва Алексис Мак Аллистер («Ливерпуль»).
Қайд этилишича, трансфер жараёнида «Реал»нинг ҳаддан ташқари кўп маблағ сарфлашни истамаслиги муҳим омил бўлиши мумкин.
Ҳозирда «Реал» Испания чемпионати турнир жадвалида иккинчи ўринни эгаллаб турибди.
