«Kadis» klubi o‘zining rasmiy saytida hujumchi Lukas Peres bilan shartnoma imzolaganini e’lon qildi. Payshanba kuni 37 yoshli ispaniyalik futbolchi tibbiy ko‘rikdan o‘tdi va mavsum yakuniga qadar mo‘ljallangan kelishuvga qo‘l qo‘ydi.
Tajribali hujumchi bundan avval, 2022 yilda ham «Kadis» sharafini himoya qilgan edi. O‘shanda u 31 ta o‘yinda ishtirok etib, 8 ta gol muallifiga aylangan.
Peres faoliyati davomida «Arsenal», «Vest Xem», PSV, PAOK, «Elche», «Deportivo» va «Rayo Valyekano» kabi klublarda to‘p surgan. 2017 yilda London klubi safida Angliya liga kubogi g‘olibiga aylangan.
Ma’lumot uchun, «Kadis» 33-turdan so‘ng 38 ochko bilan La Liga 2 turnir jadvalida 18-o‘rinni egallab turibdi.
