«Кадис» клуби ўзининг расмий сайтида ҳужумчи Лукас Перес билан шартнома имзолаганини эълон қилди. Пайшанба куни 37 ёшли испаниялик футболчи тиббий кўрикдан ўтди ва мавсум якунига қадар мўлжалланган келишувга қўл қўйди.

Тажрибали ҳужумчи бундан аввал, 2022 йилда ҳам «Кадис» шарафини ҳимоя қилган эди. Ўшанда у 31 та ўйинда иштирок этиб, 8 та гол муаллифига айланган.

Перес фаолияти давомида «Арсенал», «Вест Хэм», ПСВ, ПАОК, «Эльче», «Депортиво» ва «Райо Вальекано» каби клубларда тўп сурган. 2017 йилда Лондон клуби сафида Англия лига кубоги ғолибига айланган.

Маълумот учун, «Кадис» 33-турдан сўнг 38 очко билан Ла Лига 2 турнир жадвалида 18-ўринни эгаллаб турибди.