"Chelsi" bosh murabbiyi Liem Rosenyor yarim himoyachi Enso Fernandesning Madridda yashash istagi haqidagi gaplaridan so‘ng, u ikki o‘yinga jamoadan chetlatilganini ma’lum qildi. Avvalroq, argentinalik futbolchi "Real"da o‘ynashni orzu qilishi haqida xabarlar tarqalgan edi.
Shu tariqa, futbolchi Angliya Kubogi 1/4 finali doirasidagi "Port Veyl"ga qarshi va APLdagi "Manchester Siti" bilan bo‘ladigan muhim bahslarni o‘tkazib yuboradi.
"Men Enso bilan taxminan bir soat oldin gaplashdim. Klub, mening ishtirokimda, futbolchi ertangi o‘yinda ham, kelasi yakshanba kuni "Manchester Siti"ga qarshi bahsda ham maydonga tushmasligi haqida qaror qabul qildi.
Ensoning bunday tarzda fikr bildirganidan hafsalam pir bo‘ldi. Unga nisbatan yomon g‘arazliligim yo‘q, lekin u bizning madaniyatimiz va biz qurmoqchi bo‘lgan loyiha nuqtai nazaridan chiziqni bosib o‘tdi", — dedi Rosenyor.
