"Челси" бош мураббийи Лиэм Росеньор ярим ҳимоячи Энцо Фернандеснинг Мадридда яшаш истаги ҳақидаги гапларидан сўнг, у икки ўйинга жамоадан четлатилганини маълум қилди. Аввалроқ, аргентиналик футболчи "Реал"да ўйнашни орзу қилиши ҳақида хабарлар тарқалган эди.
Шу тариқа, футболчи Англия Кубоги 1/4 финали доирасидаги "Порт Вейл"га қарши ва АПЛдаги "Манчестер Сити" билан бўладиган муҳим баҳсларни ўтказиб юборади.
"Мен Энцо билан тахминан бир соат олдин гаплашдим. Клуб, менинг иштирокимда, футболчи эртанги ўйинда ҳам, келаси якшанба куни "Манчестер Сити"га қарши баҳсда ҳам майдонга тушмаслиги ҳақида қарор қабул қилди.
Энцонинг бундай тарзда фикр билдирганидан ҳафсалам пир бўлди. Унга нисбатан ёмон ғаразлилигим йўқ, лекин у бизнинг маданиятимиз ва биз қурмоқчи бўлган лойиҳа нуқтаи назаридан чизиқни босиб ўтди", — деди Росеньор.
