Hujumchi Kilian Mbappe «PSJ»dan «Real»ga o‘tgani haqida o‘z fikrlarini bildirdi. Fransiyalik futbolchi 2024 yilning yozida Madrid klubiga kelib qo‘shilgan edi. 2025 yilda esa uning sobiq jamoasi Chempionlar ligasida g‘olib chiqdi.
«Agar men bundan ham ertaroq ketganimda va shundan so‘ng ular g‘alaba qozonishganida, menimcha, bu menga alam qilgan bo‘lardi. "La’nat bo‘lsin, menda hech narsa o‘xshamadi", deb o‘ylagan bo‘lardim.
Biroq men [klubni tark etish vaqtiga kelib] kitobning oxirgi sahifasigacha yetib kelgandim. Yetti yil ichida qo‘limdan kelgan barcha ishni qildim va u yerda qolishdan boshqa ma’no ko‘rmadim. Agar men ketishga qaror qilgan bo‘lsam, demak, kitobimda sahifalar tugagan. Bu degani, tarix endi sensiz yozilishi kerak. Sen o‘z hissangni qo‘shding, jamoa yarim finalga, finalga chiqdi...»
2023/24 yilgi Chempionlar ligasi yarim finalida «Borussiya»dan uchralgan mag‘lubiyat haqida:
«Agar biz ushbu qarama-qarshilikni 500 marta qayta o‘ynaganimizda, 499 marta g‘alaba qozongan bo‘lardik. Birinchi o‘yindagi vaziyatni eslayman: men darvoza ustunini poyladim, u [Ashraf Hakimi] ham ustunni poyladi!» — dedi Mbappe The Bridge podkastida.
