Ҳужумчи Килиан Мбаппе «ПСЖ»дан «Реал»га ўтгани ҳақида ўз фикрларини билдирди. Франциялик футболчи 2024 йилнинг ёзида Мадрид клубига келиб қўшилган эди. 2025 йилда эса унинг собиқ жамоаси Чемпионлар лигасида ғолиб чиқди.
«Агар мен бундан ҳам эртароқ кетганимда ва шундан сўнг улар ғалаба қозонишганида, менимча, бу менга алам қилган бўларди. "Лаънат бўлсин, менда ҳеч нарса ўхшамади", деб ўйлаган бўлардим.
Бироқ мен [клубни тарк этиш вақтига келиб] китобнинг охирги саҳифасигача етиб келгандим. Етти йил ичида қўлимдан келган барча ишни қилдим ва у ерда қолишдан бошқа маъно кўрмадим. Агар мен кетишга қарор қилган бўлсам, демак, китобимда саҳифалар тугаган. Бу дегани, тарих энди сенсиз ёзилиши керак. Сен ўз ҳиссангни қўшдинг, жамоа ярим финалга, финалга чиқди...»
2023/24 йилги Чемпионлар лигаси ярим финалида «Боруссия»дан учралган мағлубият ҳақида:
«Агар биз ушбу қарама-қаршиликни 500 марта қайта ўйнаганимизда, 499 марта ғалаба қозонган бўлардик. Биринчи ўйиндаги вазиятни эслайман: мен дарвоза устунини пойладим, у [Ашраф Ҳакими] ҳам устунни пойлади!» — деди Мбаппе The Bridge подкастида.
