«PSJ» o‘z maydonida Fransiya Liga 1 musobaqasining 28-turi doirasida «Tuluza» jamoasini mag‘lub etdi — 3:1.
Mezbonlar safida hujumchi Usmon Dembele 23 va 33-daqiqalarda gol urib, dubl qayd etdi. Yana bir gol hujumchi Gonsalu Ramush (90+2-daqiqa) hisobiga yozildi. Mehmonlarning yagona javob to‘pini 27-daqiqada himoyachi Rasmus Nikolaysen kiritdi.
Ushbu g‘alabadan so‘ng «PSJ» 63 ochko jamg‘argan holda Fransiya chempionati turnir jadvalida birinchi o‘rinni egallab turibdi. «Tuluza» esa 37 ochko bilan to‘qqizinchi pog‘onadan joy olgan.
