Madridning «Atletiko» klubi hujumchisi Antuan Grizmann «Barselona»ni yana bir bor xafa qilishga tayyor — bu safar Ispaniya chempionati doirasida. Bir oy oldin klublar Ispaniya Kubogida o‘zaro to‘qnash kelishgan va o‘shanda «Atletiko» kataloniyaliklarni musobaqadan chiqarib yuborib, finalga yo‘l olgan edi.
«Menga jamoaning joriy mavsumdagi harakatlari juda ma’qul kelmoqda. Hozir biz mavsumning hal qiluvchi pallasiga kirdik va shu darajani saqlab qolishimiz kerak. «Barselona»ga qarshi o‘yinda muxlislarimiz biz bilan birga bo‘lishadi, bu juda muhim ustunlik. Biz g‘alaba qozonishni istaymiz», — deya Grizmannning so‘zlarini keltirmoqda derbyderbyderby.it nashri.
Klublar o‘rtasidagi bahs shu shanba, to‘rtinchi aprel kuni bo‘lib o‘tadi.
