Мадриднинг «Атлетико» клуби ҳужумчиси Антуан Гризманн «Барселона»ни яна бир бор хафа қилишга тайёр — бу сафар Испания чемпионати доирасида. Бир ой олдин клублар Испания Кубогида ўзаро тўқнаш келишган ва ўшанда «Атлетико» каталонияликларни мусобақадан чиқариб юбориб, финалга йўл олган эди.
«Менга жамоанинг жорий мавсумдаги ҳаракатлари жуда маъқул келмоқда. Ҳозир биз мавсумнинг ҳал қилувчи палласига кирдик ва шу даражани сақлаб қолишимиз керак. «Барселона»га қарши ўйинда мухлисларимиз биз билан бирга бўлишади, бу жуда муҳим устунлик. Биз ғалаба қозонишни истаймиз», — дея Гризманннинг сўзларини келтирмоқда derbyderbyderby.it нашри.
Клублар ўртасидаги баҳс шу шанба, тўртинчи апрель куни бўлиб ўтади.
