«Atletiko» darvozaboni Xuan Mussoning fikricha, Nikolas Gonsales maydondan chetlatilguniga qadar madridliklar «Barselona»dan (1:1) ustunlik qilishayotgan edi.

«Biz birinchi bo‘limni a’lo darajada o‘tkazdik. Raqibdan yaxshiroq o‘ynadik, bu tomoshabop va qiziqarli uchrashuv bo‘layotgandi. Qizil kartochka biz uchun jazo bo‘ldi. Bir kishi kam bo‘lib o‘ynash juda qiyin.

Shuningdek, raqib futbolchisiga ham qizil kartochka berilishi kerak edi, deb hisoblayman. Maydondagi hakam buni ko‘rgandi. O‘sha chetlatish o‘yinni tenglashtirgan bo‘lardi. Mayli, nima bo‘lganda ham oldinga intilishda davom etishimiz kerak.

Bu mag‘lubiyat bizni o‘zimizga bo‘lgan ishonchdan mahrum qilmaydi. O‘n bir ga o‘n bir holatda biz yaxshiroq edik, deb hisoblayman. Bu bizga qo‘shimcha kuch bag‘ishlaydi», – dedi Musso.