Londonning «Arsenal» klubi bosh murabbiyi Mikel Arteta Angliya Kubogidan chiqib ketgandan so‘ng, jamoada o‘zgarishlar qilish zaruriyati haqidagi savolga javob berdi.
«To‘pchilar» musobaqaning chorak finalida «Sautgempton»ga (1:2) imkoniyatni boy berishdi. Jurnalistlar London grandi ustozidan yozgi transfer oynasida jamoani kuchaytirish ehtimoli haqida fikr bildirishini so‘rashdi.
«Men o‘z futbolchilarimni yaxshi ko‘raman. Ular shu to‘qqiz oy davomida o‘zlarini ayamay, qattiq mehnat qilishdi. Hatto ba’zilari bugun, umuman olganda, maydonda bo‘lmasliklari ham mumkin edi (jarohat yoki charchoq nazarda tutilmoqda). Men futbolchilarimizni har qachongidan ham ko‘proq himoya qilaman. Agar kimdir mas’uliyatni o‘z bo‘yniga olishi kerak bo‘lsa, bu — menman. Mavsum davomida doim qiyin davrlar bo‘lib turadi. Oldinda bizni hal qiluvchi bosqich va muhim o‘yinlar kutmoqda — biz oldinga intilishimiz va avvalgi ishlarimizni davom ettirishimiz kerak», — dedi Arteta matbuot anjumanida.
Seshanba kuni «Arsenal» Chempionlar Ligasi chorak finali doirasida Lissabonning «Sporting» jamoasi bilan kuch sinashadi.
